Vasos de cartón dun só uso, solución ou problema?

Coa febre antiplástico bares e máquinas de vending reemplazaron os vasos de polipropileno dun só uso, restrinxidos pola Directiva SUP da UE, por vasos de cartón, igualmente de un só uso, non comprendidos na Directiva. A cuestión é que o cartón a diferencia do plástico non é impermeable aos líquidos e por tanto para ser usado como vaso necesita ser forrado por dentro dunha lámina que o impermeabilice, e sabedes de qué está feita esta lámina? Mirade a letra pequena deste vaso “sostenible”... correcto, de plástico. Pero isto non é todo. Esa lámina faise de polietileno, un plástico menos resistente que o polipropileno dos vasos clásicos, e segundo un traballo recente (Ranjan et al.) cando botamos un líquido quente sobre esa lámina prodúcense milleiros de microplásticos, cousa que non necesariamente ocurre no vaso clásico. A miña recomendación? Esixide que a máquina de café no voso lugar de traballo poida usarse coa taza de cadaquén, e así non precisamos vasos de un só uso de ningún tipo.

cita: Ranjan, V.P., Joseph, A., Goel, S., 2021. Microplastics and other harmful substances released from disposable paper cups into hot water. Journal of Hazardous Materials 404, 124118. https://doi.org/10.1016/j.jhazmat.2020.124118